05
декабрь
2019
«Бірыңғай «Жас Ұлан» балалар мен жасөспірімдер ұйымы»
«Бірыңғай «Жас Ұлан» балалар мен жасөспірімдер ұйымы» Республикалық қоғамдық бірлестігі Елбасы Н.Ә.Назарбаевтың бастамасы бойынша құрылған. Бұл қоғамдық ұйым «Жас Ұлан» - өскелең ұрпақты жоғары рухани-адамгершілік құндылықтар, гуманистік, толеранттылық пен демократиялық ұстанымдарға негізделген қазақстандық патриотизм рухында қалыптастыратын ұйым. "Жас ұлан" балалар және жасөспірімдер ұйымына Түрксіб ауданы №76 ЖББ мектептің 5-сынып оқушылары 16 Желтоқсан - Тәуелсіздік күні қарсаңында мектебімізде қабылданды. Қабылдау барысында оқушыларға галстук, төсбелгі тағылды. Жаңа ұйым Республикалық бірыңғай «Жас Ұлан» балалар мен жасөспірімдер ұйымының қатарына кіре отырып: Өз Отанымыздың – Қазақстан Республикасының патриоты болуға; Мемлекеттік рәміздерді құрметтеуге, дәріптеуге; Туған елім, жерім, Отанымды мақтаныш етуге;Ата-анамды қадірлеуге;Үлкенге құрмет, кішіге ізет көрсетуге;Білімге табандылықпен ұмтылуға; Салауатты өмір салтын ұстануға;Табиғатты ялауға; «Жас Ұлан» Ережесін бұлжытпай сақтауға және оны өз достарымныздың талап етеміз деп ант етті . Салтанатты қабылдау рәсімі мектебіміздің директоры С.Б. Мусагулованың құттықтау сөзімен басталып «Жас ұланшылардың» патриоттық әнімен өз мәресіне жетті.