1-мамыр Қазақстан халықтарының бірлігі күні.

Қазақстан - бірлік пен татуылықтың мекені! Берекені көздеген ел мерекелі тірлік жасаудан жалықпаған. Қазақстан халқы 1 мамыр ынтымақ пен бірлік күнін тойлап жатыр. Мерекеге орай Игликова Эльмира Жеңісқызының ұйымдастыруымен мектебімізде «Еркема-ай» би тобының шығармашылық концерті болып өтті. Концертте Қазақстанда тұратын түрлі ұлт өкілдерінің ұлттық билері орындалды. Мың бұрала билеген бастауыш сынып оқушыларының өнеріне көрермендер тәнті болды. Бір шаңырақтың астындағы халқымыздың достығы мен өзара түсіністігі одан әрі жалғасып, еліміздегі ұлтаралық татулық әрдайым берік болып, қашан да ынтымақ, бірлік мәңгі жасай берсін!